مطعم فطور افخم من محلات الفطور المعتاده يقدم اصناف فطور المعتاده بطعم مختلف ومميز،عيبه المشروبات تحتاج تحسين.

من افضل محلات شاورما اللحم بالرياض طعمه مميز ولحمه يجي من مزارعه الخاصه، سعره مقبول مقارنه بالحجم وكميه اللحم،صحيفه اللحم بعد لذيذه وتجي ٥ قطع.

فود ترك يقدم سوفليه جميل

بالنسبه لي كينز افضل محل دجاج مقلي عندي

عندهم كرك جميل تعبئه الشاهي ب١٠ الكرك ١٥ لتر

مطعم جميل عنده برقر بلاك انجوس لذيذ

جربت عندهم نويزي برقر وبطاطس البهارات والتاكو،جميعها لذيذه مشكلتهم بالجلسات سيئه جدا والمكيف مايشتغل جوا !

قهوه رايقه تقدم خيارات متنوعه في المشروبات والحلى والفطائر يعييه انه المحل فيه نباتات كثيره وفيه حشرات صغيره

طلبنا منه سمان وحمام وبط،عجبني السمان والبط اما الحمام ماعجبني

جربت مشروب بستاشيو عندهم سعره ٢٤

طعمه حلو جربت سموكي حلوه وصوصها لذيذ وسعرها جيد وتشبع

جربت كركديه النعناع،طعمه حلو لكن للاسف ماكان بالبروده المطلوبه طعمه جيد واشوفه موزون،المحل فيه جلسات داخليه وخارجيه مافيه شاشه.

جربت عندهم طويق برقر ب٣٧ ريال وتاكو ب٢٦ المطعم يقدم وجبات حاشي،صراحه البرقر لذيذ لكن البصل كثير مره ومخرب الطعم شوي الجبن والخبز مجنون

محل درايف جربت عنده براونيز فوقه ايس كريم،طعم الايس كريم يجي منه اما البراونيز كان فيه طعم ماعجبني ابدا

مطعم ومحل قهوه صحي،يحسب السعرات الحراريه بدقة وعنده خيارات متنوعه،جربت دجاج رول وعجبتني صراحه،المكان حميل جدا ويفتح النفس وجلساته جيده.

جربت حليب الشوكلاته والتيراميسو،التراميسو لذيذ مره اما حليب الشوكلاته يجي منه

جربت فروزن مانجو صراحه طعمه لذيذ وسعره جميل ب٥ ريال علبه صغيره.

مطعم جميل طلبت شاورما دجاج ابعه وساند ويش شيش طاووق وجربت بطاطسهم كان قاسي شوي ولذيذ،صراحه المطعم لذيذ لكن مشكلته الشاورما ممتليه ثوم اما الشيس لذيذ الصراحه،البطاطس كان قاسي شوي ولكن مافضل البطاطس خلقه . اتوقع اني راح اكرر المطعم

جربت اللحم والدجاج صراحه لذيذ مره وذايب من افضل محلات البرقر برقر مدخن وخبزه مدخن لذيذ مره وفيه طعم حلو

التكا اصغر من الي عارضينه تقريبا. جربت اللحم والدجاج صراحه اللحم كان حامض والدجاج جربت بتر تشيكن وكان ممتلي بهار ماحسيت بطعم الدجاج ابد وسعره مب رخيص على مكانه وخدماته. تجربه لن اكررها

مطعم جميل وكان فيه ناس ٧ تقريبا قدامنا ووصل الطلب بسرعه. ميزه المطعم انه عنده ٣ اشياء بالمنيو فقط ساندوش تكا سبايسي ومب سبايسي وبطاطس مع تكا. احترم المطاعم الي تقدم صنف واحد يميزهم عن البقيه المطعم لذيذ جدا ولكن مشكلته فقط الجلسات الصراحه جلست اكل عشان الجو لطيف وكل شوي كيس طاير من الهواء والاكل برد بسببه لو وفر جلسات داخليه افضل خاصه المحل كبير من الداخل لكن منطقه الزباين ضيقه جدا لدرجه الناس تتحاشر بالمدخل لانه مافيه الا هو تطلع منه وتدخل .

محل شاورما بسيط ويوفر جلسه بسيطه للزنقات طعمه لذيذ صراحه واسلوب الكاشير رائع ومحترم جربت صامولي وشاورما صغير لذيذه ومره وهذي مب اول زياره لي وان شاء الله ليست الاخيره

محل مختص بالشاهي بالمعنى الحرفي يوفر انواع شاهي عجيبه جربت منها الهملايا عجبني مره وجربت الشاهي الابيض طعمه غريب ولكن عجبني المحل هادي وجلسته بسيطه

صراحه لذيذ وحلى ومرتب ويجمل

نصرت البازار صراحه حلو وسريعه خدمته لكن مشكلته بالزحمه ضيق وغثيث مشكلته الاولى الخدمه المضيفين معك تقعد ساعه تناديهم عشان تطلب منهم الاكل لذيذ ،جربت البرقر والبصل الي بشكل ورده طعمها لذيذ جدا،لكن بالنسبه لي اشوف انه تجربه حلوه ولكن لن تتكرر بسبب وجود خيارات بنفس الجوده وسعر افضل.

ثاني مراجعه لي صراحه المحل لذيذ جربت ايس تي ليمون الياباني طعمه حامض وحلو، ولكن المحل سعره مبالغ فيه مقارنه في مكانه واسلوبه محل داخل حي دون جلسات اتوقع منه سعر اقل.

مطعم جميل داخل الحي جربت البرقر وكان طعمه حلو مقارنه بسعره والبطاطس مبهر واعجبني مره .الكاشير محترم ويقدر الزباين. ديكور المحل بسيط وصغير .

محل قهوه داخل الحي دون جلسات يقدم قهوه وحلى . جربت قهوه اليوم، حلوه ومافيها طعم حموضه وسعر الكوب الي بالصوره 6,75 انصح فيه بقوه👍

شهادتي فيهم مجروحه موظفين حبيبين وعندهم كيكه جزر خورافيه،بالنسبه لي ماشتري من عندهم الا يوليكا فروزن

مطعم يقدم برقر بلاك انجوس وبسعر معقول جربت الكلاسيك برقر صراحه كرم الله النعمه ماتقارن ابدا ل سويش سبشل برقر السويس برقر لذيذ مره ولي تجربه ثانيه للمحل ان شاء الله اجرب الدجاج فيه

ثالث تجربه لي وصراحه الى الان افضل مطعم هوت دوغ بالرياض جريت الفرعين وكلهم خورافين صراحه بالنسبه لي افضل شي انك تقلل الحشوه عشان تحس بطعم الشوي على الهوت دوغ سعره حلو بس البطاطس للاسف مب الافضل

شاهي جيد مب الافضل عنده جلسات خارجيه للمدخنين وفيه شاشه وشاشه داخليه. الجلسات مريحه وعنده مكسرات وشابوره ،طلبت ابريق كان عاقد مره وقلت له زود مويه ولا عرف يوزنها للاسف وحاقه بس الابريق الثاني كان جيد

صراحه اشوفه من افضل المحلات المختصه بالهوتدوق جربته مرتين وعنده عرض اثنين هوت مع مشروب ب 32 والبطاطس زياده ثمانيه ريال، يعيبه انه البطاطس مب حلو وانه متوصي بحشوه الهوت دوق يسبب لك لغوصه بالاكل وماتحس بطعمه الهوت دوق. بجيه مره ثانيه ان شاء الله واطلب منه يقلل الحشوه

جربت برقر البريوش وبطاطس الجبن البرقر عجبني والبطاطس كان عادي ماينفع تجلس فيه محلي لان المحل ضيق ولا فيه جلسات زينه

شاهي حلو وفيه شاشه، جلسات مقبوله باستثناء الي على الجدار يعيبه فقط انه مافيه مواقف جمبه

محل شاهي ينقل مباريات وجلساته يعيبها انه الي على الجدار قاسيه، الشاهي جيد والمحل مقسم قسمين للمدخنين وغير المدخنين وفيه شاشتين لكل قسم شاشه

جربت قهوه بارده سجنتشر لافندر احسب قصده صوصهم الخاص طلع صدق صوص لفندر 😅 صراحه طعمها ماكان حلو مره وطلبت كوكيز ماسخنه ولا قدمه بصحن عطاني كرتون كاني طالب سفري، الجلسات غير مريحه والمكان يحتاج اهتمام بالنظافه والتقديم

جلسه رايقه وسعر معقول وفيه دفايات حلوه برا

حلو وساندويشاته راهيه طعمها حلو والمكان شرح وكبير والطلب يجلس مده معقوله عشان يجهز لكن يعيبه الشاهي صراحه ولكن بالبمجمل عجبني ويتكرر

من المحلات المميزه بالشاورما والمشاوي وجربت فطورهم وصراحه كلها بمستوى حلو ومميز وافضل شي فيه التنوع يبيع لك كل انواع الاكل والمشروبات بسعر مقبول مقارنه بالجوده والطعم وكثره الخيارات

طعم عادي ولا يستاهل السعر ابدا غير وقت الانتظار المبالغ فيه اكثر من 20 دقيقه عشان مشروبين 🤔

جربت الايس تبي الفواكه وشاهي صراحه الايس تي طعمه حلو ويبرد لكن مايستاهل السعر اما الشاهي حقهم طعمه خورافي سعر الشاهي الكبير ب٨ والايس تي ب١٨

مكان حلو وهادي بالايام العاديه اما باوقات المباريات يعرضها ببروجيكتر خارجي وفيه تلفزيون فيه بالسطح قهوته حلوه،وكروسانه يمشي الحال